Նիհարության վտանգները

Եթե մարդը շատ նիհար է, ապա դա նույնքան վտանգավոր է, որքան ավելորդ քաշը: Նման եզրակացության են հանգել ամերիկացի գիտնականները:

Քաշի պակասի դեպքում, նույնիսկ եթե ճիշտ են սնվում, շատ են շարժվում եւ քրոնիկ հիվանդություններ չունեն, մարդիկ, միեւնույնն է, ռիսկի խմբում են գտնվում:

Չնայած նրան, որ ավելորդ քաշը կարող է հանգեցնել սրտի հիվանդությունների եւ դիաբետի, ճարպի ավելցուկը կարող է օգտակար լինել, օրինակ, այն դեպքերում, երբ օրգանիզմը սթրեսային իրավիճակում է, հետվիրահատական շրջանում է, պայքարում է քաղցկեղի կամ այլ հիվանդությունների դեմ, որոնք կապված են իմուն համակարգի հետ, հաղորդում է «ԵվրոՍՄԻ»-ն:

Այս կապակցությամբ գիտնականները կոչ են անում խուսափել ծայրահեղություններից եւ չտարվել խիստ սննդակարգերով:

Հարցեր, պատասխաններ, մեկնաբանություններ